Франциянинг L'Equipe газетаси "Марсель"га қарши ўйиндан сўнг "ПСЖ" футболчиларини баҳолади.

Кеча "ПСЖ" "Марсель"га 1:2 ҳисобида мағлуб бўлди ва 1/8 финал босқичида Франция кубогини тарк этди.

Дарвозабон Жанлуижи Доннарумма ПСЖда энг яхши баҳони олди - 10 баллдан 7 очко.

Ҳимоячилар Нуну Мендеш ва Маркиньос, шунингдек, ярим ҳимоячилар Данило Перейра ва Марко Верратти 5 балл билан баҳоланди.

Ушбу учрашувда “ПСЖ”нинг ягона голига муаллифлик қилган ҳимоячи Ашраф Ҳакими ва Серхио Рамос 4 очкодан олди. Шунингдек, ярим ҳимоячи Фабиан Руис ва ҳужумчи Лионель Месси ҳам 4 баллга эга бўлди.

Ҳужумчи Неймар ва ярим ҳимоячи Витинья 3 очкодан олишди - бу ўйиннинг барча иштирокчилари орасида энг ёмон рейтинг.