"Челси" сардори Сезар Аспиликуэта мавсумнинг қолган қисмидаги умидлари билан ўртоқлашди.
Эслатиб ўтамиз, "кўклар" Англия Премьер-лигаси турнир жадвалида 10-ўринда бормоқда. Жамоа Англия кубоги ва лига кубогидан чиқиб кетишга улгурди, аммо Чемпионлар лигасида ўйнашда давом этмоқда, у ерда 1/8 финал босқичида Дортмунднинг "Боруссия" жамоаси билан курашади.
"Биз бу мавсумни эсдан чиқармадик. Бизда курашадиган нарса бор. Биз Премьер-лигада қўлимиздан келганича ҳаракат қилишимиз ва Чемпионлар лигасида ўзимизни кўрсатишимиз керак. 2021 йилда ҳам бу совринни олишимизни ҳеч ким кутмаганди" - деди Аспиликуета The Athletic нашрига берган интервьюсида.
