Ҳужумчи Оливье Жиру “Милан” билан шартномасини бир йилга узайтиради.
Журналист Жанлука Ди Марционинг хабар беришича, 36 ёшли футболчи Италия жамоаси билан 9 февраль куни 2024 йилнинг июнигача янги шартнома имзолайди.
Манбанинг хабарига кўра, футболчи ва клуб ўртасидаги музокаралар бир неча ҳафта давом этган. Барча ҳужжатлар бугун тушдан кейин имзоланади.
Жирунинг "Милан" билан амалдаги шартномаси 2023 йилнинг июнигача амал қилади. Франциялик форвард жорий мавсумда барча турнирларда 27 та ўйинда майдонга тушиб, 10 та гол урди ва 6 та голли узатмани амалга оширди.
