"Манчестер Юнайтед"нинг собиқ ҳимоячиси Гари Невилл аргентиналик ярим ҳимоячи Энцо Фернандеснинг "Челси"га ўтишини танқид қилди.
"Ўйинчи учун тўлашингиз мумкин бўлган максимал миқдор 56-68 миллион евро атрофида. У бир мавсумда 30 дан ортиқ гол урмайди, у ҳужумкор ўйинчи эмас. Ортиқча пул тўлашдан фойда борми? У пул учун жамоага нима беради? Ғалати трансфер", - деди Невилл Metro билан суҳбатда.
Энцо Фернандеснинг "Челси"га ўтиши (121 миллион евро) Англия футболи тарихидаги энг йирик харид бўлди. Бунгача рекорд ярим ҳимоячи Жек Грилишнинг трансферига тегишли эди, бунинг учун "Манчестер Сити" бир вақтлар "Астон Вилла"га тахминан 100 миллион евро тўлаган.
"Челси" 21 турдан кейин 30 очко тўплаган ҳолда Премьер-лигада 9-ўринда бормоқда. Кейинги турда Грэм Поттер шогирдлари "Вест Хэм" билан ўйнайди.
