"Manchester Yunayted"ning sobiq himoyachisi Gari Nevill argentinalik yarim himoyachi Enso Fernandesning "Chelsi"ga o‘tishini tanqid qildi.
"O‘yinchi uchun to‘lashingiz mumkin bo‘lgan maksimal miqdor 56-68 million yevro atrofida. U bir mavsumda 30 dan ortiq gol urmaydi, u hujumkor o‘yinchi emas. Ortiqcha pul to‘lashdan foyda bormi? U pul uchun jamoaga nima beradi? G‘alati transfer", - dedi Nevill Metro bilan suhbatda.
Enso Fernandesning "Chelsi"ga o‘tishi (121 million yevro) Angliya futboli tarixidagi eng yirik xarid bo‘ldi. Bungacha rekord yarim himoyachi Jek Grilishning transferiga tegishli edi, buning uchun "Manchester Siti" bir vaqtlar "Aston Villa"ga taxminan 100 million yevro to‘lagan.
"Chelsi" 21 turdan keyin 30 ochko to‘plagan holda Premyer-ligada 9-o‘rinda bormoqda. Keyingi turda Grem Potter shogirdlari "Vest Xem" bilan o‘ynaydi.