"Манчестер Юнайтед"нинг собиқ ҳимоячиси Патрис Эвра Чемпионлар лигасининг 2018/2019 йилги мавсуми 1/8 финалининг жавоб учрашувида "қизил иблислар"нинг "ПСЖ"га (3:1) қарши ўйинидан сўнг гомофобик сўзлари учун жаримага тортилди, деб хабар бермоқда L'Equipe нашри.

Франциялик футболчи учрашув якунланганидан сўнг ижтимоий тармоққа видеони жойлаштирган ва унда парижликларни гейлар деб атаган, сўнгра “Манчестер Юнайтед”да “эркаклар” ўйнашини қайд этган.

ЛГБТ ташкилотлари футболчи устидан “бир гуруҳ одамларни жинсий ориентацияси туфайли омма олдида ҳақорат қилгани” учун шикоят қилган. Судя ишни “оммавий ҳақорат” сифатида қайта таснифлади ва Париж полиция судига юборди.

Натижада Эвра 1 минг евро миқдорида жаримага тортилди. Бундан ташқари, у қонуний равишда ҳар бир ташкилот харажатлари учун 1,5 минг евро миқдорида товон пули ҳамда 1 минг евро миқдорида жаримага тортилди. Фуқаролик ишлари бўйича адвокат Этьен Дешульернинг айтишича, "Патриc Эвра каби шахсларнинг гомофобик сўзлари ЛГБТ одамларига нисбатан нафрат ва зўравонликни қўзғатади, айниқса гомосексуализм бостирилган мамлакатларда" - деди адвокат.