"Manchester Yunayted"ning sobiq himoyachisi Patris Evra Chempionlar ligasining 2018/2019 yilgi mavsumi 1/8 finalining javob uchrashuvida "qizil iblislar"ning "PSJ"ga (3:1) qarshi o‘yinidan so‘ng gomofobik so‘zlari uchun jarimaga tortildi, deb xabar bermoqda L'Equipe nashri.

Fransiyalik futbolchi uchrashuv yakunlanganidan so‘ng ijtimoiy tarmoqqa videoni joylashtirgan va unda parijliklarni geylar deb atagan, so‘ngra “Manchester Yunayted”da “erkaklar” o‘ynashini qayd etgan.

LGBT tashkilotlari futbolchi ustidan “bir guruh odamlarni jinsiy oriyentasiyasi tufayli omma oldida haqorat qilgani” uchun shikoyat qilgan. Sudya ishni “ommaviy haqorat” sifatida qayta tasnifladi va Parij polisiya sudiga yubordi.

Natijada Evra 1 ming yevro miqdorida jarimaga tortildi. Bundan tashqari, u qonuniy ravishda har bir tashkilot xarajatlari uchun 1,5 ming yevro miqdorida tovon puli hamda 1 ming yevro miqdorida jarimaga tortildi. Fuqarolik ishlari bo‘yicha advokat Etyen Deshulyerning aytishicha, "Patric Evra kabi shaxslarning gomofobik so‘zlari LGBT odamlariga nisbatan nafrat va zo‘ravonlikni qo‘zg‘atadi, ayniqsa gomoseksualizm bostirilgan mamlakatlarda" - dedi advokat.