Transfermarkt портали Премьер-лиганинг энг яхши тўпурарлари рўйхатини ўз жамоасининг чемпионатдаги умумий голларидан фоиз сифатида эълон қилди.
Биринчи ўрин "Манчестер Сити" ҳужумчиси Эрлинг Холандга тегишли. Норвегиялик ҳужумчи чемпионатда "шаҳарликлар"нинг барча голларининг 47 фоизини киритган.
"Тоттенхэм"нинг барча вақтлардаги энг яхши тўпурари Харри Кейн 41,5 фоиз билан иккинчи ўринда бормоқда. "Лидс" ҳужумчиси Родриго Морено 38,5 фоиз билан учинчи ўринда.
Кучли бешликни “Брентфорд” аъзоси Айван Тони 37 фоиз гол билан ва “Фулхэм” аъзоси Александр Митрович 34 фоиз гол билан якунлаб турибди.
Ушбу рўйхатда "Арсенал", "Ньюкасл" ёки "Манчестер Юнайтед" клубларидан бирорта футболчи йўқ.
