Бразилия терма жамоаси бош мураббийсиз қолмоқда. Бир неча ойдан сўнг ҳозирда "Реал Мадрид"ни бошқараётган Карло Анчелотти "селесао"ни қабул қилиши мумкин, аммо Бразилия Футбол Конфедерациясида бошқа вариантлар кўриб чиқилмоқда.
Globe Esporte хабарига кўра, агар улар Карло Анчелоттини таклиф қила олмасалар, Бразилия конфедерацияси бошқа номзодларга ўтади. Гап Жозе Моуриньо ва Жорже Жезуш ҳақида кетмоқда. Биринчиси ҳозирда "Рома"да, иккинчиси эса "Фенербахче"да ишлайди.
Эслатиб ўтамиз, жаҳон чемпионатидан сўнг Тите Бразилия терма жамоаси бош мураббийи лавозимини тарк этганди. Қатардаги жаҳон чемпионатида бразилияликлар чорак финалда Хорватияга имкониятни бой бериб, турнирдан чиқиб кетишди.
