6 февралдан бери давом этаётган ўқув-йиғин давомида Суперлига ҳакамларига тажрибали шифокор Бобур Абдазов томонидан фавқулодда ҳолатларда тез тиббий ёрдам кўрсатиш, жароҳатланган инсонга қандай ҳолатларда қай тарзда кўмак кўрсатиш ҳамда шахсий саломатлик сирларидан зарурий тавсия ва кўникмалар берилди. Бундан ташқари, семинар давомида бехуш ётган ҳамда юраги уришдан тўхтаган инсонга қандай ёрдам бериш лозимлиги бевосита ҳакамларнинг иштироклари билан амалий тарзда кўрсатиб берилди.
Шунингдек, кун дастуридан ўрин олган назорат учрашувлари ўтказилиб, назарий машғулотлар вақтида ушбу ўйинлар таҳлил қилинди. Ўйиндаги ҳолатлар юзасидан инструкторлар томонидан тушунтиришлар ва тегишли тавсиялар берилди.