2011 йил декабридан буён Мадриднинг “Атлетико” клубини бошқариб келаётган аргентиналик 52 ёшли мураббий Диего Симеоне жорий мавсум охирида клубини ўзгартириши мумкин.
Испан ОАВ хабарига кўра, улар аргентиналик мутахассиснинг кейинги манзили Италия бўлишини кутишмоқда.
Мутахассис хизматларига "Интер" қизиқиш билдирмоқда. "Нерадзуррилар" Симеоне билан музокара ўтказишни режалаштирмоқда.
Диегонинг "матрасчилар" билан амалдаги шартномаси келаси йилнинг ўрталаригача ҳисобланган.
Италия чемпионатининг 21-туридан сўнг “Интер” 43 очко жамғариб, турнир жадвалида иккинчи ўринда бормоқда.
