"Челси" сардори Сесар Аспиликуэта "Челси"нинг собиқ бош мураббийи Жозе Моуриньо билан муносабатлари ҳақида гапирди. Эслатиб ўтамиз, ҳимоячи 2013 йилдан 2015 йилгача португалиялик қўл остида ўйнаган.
“Моуриньо билан муносабатларимиз зўр эди, мен Жозедан кўп нарсани ўргандим. У қандай қилиб ғалаба қозонишни билар эди ва майда-чуйда нарсаларни йиғишни жуда яхши биларди. У менда худди ўзи каби ғалаба қозониш руҳиятини кўрган бўлса керак. Иккаламиз ҳам мағлуб бўлишни ёмон кўрамиз", - дея Аспиликуэта сўзларини келтиради The Athletic.
Эслатиб ўтамиз, Моуриньо бошчилигида Аспиликуэта 2015 йилда АПЛ ва Лига кубогида ғолиб чиққан. АПЛда ғалаба қозонганидан олти ой ўтгач, Жозе "Челси"дан ҳайдалди.
