"ПСЖ" ҳужумчиси Килиан Мбаппе "Бавария"га қарши Чемпионлар лигаси ўйинида жамоа қайдномасига киришга умид қилмоқда.
Le Parisen хабарига кўра, 24 ёшли футболчи чап сон қисмидаги жароҳатдан тикланиш устида ишламоқда, бироқ у асосий таркибга киришга умид қилмаяпти. У ҳеч бўлмаганда таркибга кириб, керак бўлса, бир муддат майдонга тушишни истайди.
Якуний қарорни мураббийлар штаби “Бавария” билан Чемпионлар лигаси 1/8 финали биринчи ўйини арафасида қабул қилади. Ўйин 14 февраль куни бўлиб ўтади.
"ПСЖ" ҳеч қачон Чемпионлар лигасида ғалаба қозонмаган. 2019/20 йилги мавсумда жамоа турнир финалига чиқди ва у ерда “Бавария”га ютқазди (0:1).
