«ПСЖ» ва Франция терма жамоасининг собиқ футболчиси Жером Ротен Франция кубоги 1/8 финалидаги Кристоф Галтье шогирдларининг мағлубиятига ўзининг эмоционал муносабатини билдирди. Парижликлар сафарда «Марсел»га 1:2 ҳисобида имкониятни бой бериб, турнирни тарк этишди.

«Бу мағлубият менга қимматга тушди. Телевизор! Қўлимда ўшанда тўп бор эди. Ҳозир ТВ экранида ёриқ бор», - деди Жером.

Париж гранди навбатдаги учрашувини Франция чемпионати доирасида сафарда «Монако»га қарши ўтказади.

Учрашув 11 февраль, шанба куни бўлиб ўтади. 14 февраль куни «ПСЖ» Чемпионлар лигаси 1/8 финалининг илк учрашувини «Бавария»га қарши ўтказади.