Жейми Каррагер Лисандро Мартинеснинг «Манчестер Юнайтед»даги ўйинини юқори баҳолади.

«Менимча, унинг ўйинига шубҳа йўқ. Паст бўйли марказий ҳимоячи сифатида ўйнаш учун ўзгача футболчи бўлиш керак.

Мен бундай ўлчовли одам лигадаги ўйинларга дош бера олади деб ўйламаган эдим, лекин у шундай қилди. У зўр. Аввалроқ «Юнайтед»нинг руҳи ҳақида гапиргандим, у бунда катта ҳисса қўшган.

Бир неча ҳафта олдин у захирадан майдонга тушган ўйинни кўрдим. Кейин кимдир кечроқ гол урди ва у бунда фаол иштирок этди. Сиз уни жаҳон чемпионатида кўргансиз, у аргентиналик, унда шундай руҳ бор», деди «Ливерпул»нинг собиқ ҳимоячиси.

Ўтган ёзда «Манчестер Юнайтед» сафига қўшилган марказий ҳимоячининг бўйи 175 сантиметрга тенг. У Премьер-лигадаги энг паст бўйли ҳимоячидир.