"Челси" келаси ёзда катта тозалашни режалаштирмоқда.
Журналист Жеймс Оллининг хабар беришича, ярим ҳимоячи Матео Ковачич, ҳимоячи Калиду Кулибали, вингерлар Каллум Хадсон-Одои ва Ҳаким Зиеш, шунингдек, ҳозирда Миланнинг “Интер” клубида ижарада ўйнаётган ҳужумчи Ромелу Лукаку мавсум якунида “Стэмфорд Бридж”ни тарк этиши мумкин.
Лукаку Энцо Фернандес трансферидан олдин "Челси" тарихидаги энг қиммат футболчи саналади. Унинг трансфери клубга 113 миллион еврога тушди, бироқ бельгиялик футболчи "Члеис"да ўзини кўрсата олмади ва якунда ижара асосида “Интер”га қайтди. "Нерадзуррилар" мавсум охирида Лукакуни сотиб олишни режалаштирмаяпти, аммо "Челси" янги харидорлар изламоқда.
