Мадриднинг "Реал" клуби бош мураббийи Карло Анчелотти ярим ҳимоячилар Лука Модрич ва Федерико Вальверденинг спорт формаси ҳақида гапирди.
"Модрич ва Вальверде яхшироқ ишламоқда. Уларга жаҳон чемпионатидан кейин тикланиш учун вақт керак эди" - деди Анчелотти матбуот анжуманида.
Эслатиб ўтамиз, Вальверде "Ал-Ҳилол" билан клублар ўртасидаги жаҳон чемпионати ярим финалида 2023 йилдаги илк самарали ҳаракатини амалга оширган эди. Мавсумнинг биринчи ярмида Федерико Испания чемпионатида олтита гол урди ва иккита голли узатмани амалга оширди.
Модрич эса Хорватия терма жамоаси билан жаҳон чемпионатида бронза медалларини қўлга киритди. Унинг "Реал" билан шартномаси мавсум охирида якунига етади.
