Лионель Мессининг жароҳатидан тикланиш тафсилотлари маълум бўлди.
Аввалроқ, "ПСЖ" ҳужумчиси Франция кубоги доирасида "Марсел"га қарши ўйинда (1:2) сон қисмидан жароҳат олганди.
Парижликлар аргентиналик футболчи Лига 1 доирасидаги "Монако"га (11 февраль) қарши ўйинни ўтказиб юбориши ва 14 февраль куни "Бавария"га қарши Чемпионлар лигаси ўйинидан бир кун олдин, душанба куни машғулотларга қайтиши ҳақида хабар беришди.
"ПСЖ" бош мураббийи Кристоф Галтье Мессининг "Бавария" билан ўйнаши мумкинлигини айтди.
"Сиз "шубҳали" атамасини четга суриб қўйишингиз мумкин. Месси биз учун қанчалик муҳимлигини тушунамиз. Унинг "Монако"га қарши ўйинда иштирок эта олмагани учун биз бошқача ўйнашга мажбур бўламиз", - дейди Галтье.
