Карло Анчелотти клублар ўртасидаги жаҳон чемпионати финалида ғалаба қозониш муҳимлиги ҳақида гапирди.
Эртага финалда "Реал" ва "Ал-Ҳилол" жамоалари кубок учун кураш олиб боради.
"Бу жуда муҳим чақирув, жуда муҳим унвон, чунки клублар ўртасидаги жаҳон чемпионати финалига чиқиш жуда қийин. "Реал" барча финалларни ҳурмат қилади. Бу жуда узоқ саёҳатнинг охири. Жамоадан ўйиндан завқ олишларини сўрайман.
Биз ғалаба қозонишни жуда хоҳлаймиз, чунки бу бизга келажакка ишонч бағишлайди. Бу менинг қирқ йил ичида олтинчи (клублар ўртасидаги жаҳон чемпионати ва қитъалараро кубоги) финалим. Бу ҳаётда жуда кам учрайдиган якун.
Албатта, "Барселона" ва "Мальорка"дан учралган мағлубиятлар бизни ранжитди, аммо барибир ўзимизга ишонамиз. Мен ҳали ҳам жамоамиз ўтган йилгидан яхшироқ ва ўтган йилгидек яхши ўйин кўрсатамиз деб ўйлайман", — деди мадридликлар устози.
