"Барселона" ҳимоячиси Жорди Альба 2020 йилда Эрнесто Вальверде ўрнига жамоани бир неча ой бошқарган бош мураббий Кике Сетьен билан ишлаганини эслади.
Эслатиб ўтамиз, айнан шу мураббий қўл остида “кўк-анорранглилар" ЕЧЛ чорак финалида “Бавария”га 2:8 ҳисобида имкониятни бой берганди.
"Мавсум ўртасида келиш ҳар доим қийин. Биз яхши ўйинлар ўтказдик, лекин вазият ёмонлашганида, айб нафақат унда, балки бизда ҳам эди. Сетьен яхши иш қилди, аммо бу муваффақиятсизликларда футболчилар айбдор бўлишлари мумкин эди", - деди Альба Barca Universal билан суҳбатда.
"Барселона" Ла Лиганинг навбатдаги турида яқинда Сетьен бошқариб келаётган "Вильярреал" билан учрашади.