Жерар Пике фаолияти давомида Лионель Месси ва Криштиану Роналду билан ёнма-ён ўйнаш бахтига муяссар бўлган. "Барселона"нинг собиқ ҳимоячиси аргентиналик ва португалиялик футболчиларни солиштирди.
"Сўнгги ўн йилликда улар ўртасидаги жанг таъсирли бўлди, иккаласи ҳам яхши эди. Менимча, истеъдод борасида Месси албатта биринчи рақамда. Тўғри, Криштиану рақобат қилиш учун жуда кўп меҳнат қилди, лекин иккаласининг ҳам мартабасига назар ташласангиз... Мен Мессини танлаган бўлардим. У 35 ёшида дунёнинг энг яхши футболчиси бўлиши мумкинлигини кўрсатди. У буни жаҳон чемпионатида кўрсатди" - деди Пике Goal.com билан суҳбатда.
