Ярим ҳимоячи Марсель Забитцер «Бавария»дан «Манчестер Юнайтед»га доимий равишда ўтиши мумкин.
«Қизил иблислар» австриялик футболчини жорий мавсум охиригача сотиб олиш шартисиз ижарага олди, бироқ клуб ёзда футболчининг тўлиқ трансферини инкор этмаяпти.
Журналист Роб Доусоннинг сўзларига кўра, «Манчестер Юнайтед» 28 ёшли футболчига ижарада яхши ўйнаса, узоқ муддатли келишувга эришиши мумкинлигини аллақачон айтган.
Марсель Забитцернинг «Бавария» билан амалдаги шартномаси 2025 йилгача мўлжалланган. Transfermarkt ярим ҳимоячининг нархини 20 миллион еврога баҳоламоқда.
