"Ливерпуль"нинг собиқ футболчиси Жон Барнс яқинлашиб келаётган дербидаги кучлар мувозанатига баҳо берди.
Юрген Клопп шогирдлари 13 февраль куни "Энфилд"да Шон Дайч жамоаси билан учрашади.
“Албатта, Клопп ўз футболчиларини дерби олдидан тайёрлайди ва мен “Ливерпуль”да муаммолар бўлиши шарт, деб айтмайман. Бироқ ҳозирги “Эвертон” яқинда Шон Дайч келганини ва “Арсенал” билан ўйин натижасини ҳисобга олсак, осон рақибга ўхшамайди. Балки бизни олдинги йиллардагига қараганда анча тенгроқ дерби кутаётгандир”, - дея Барнс сўзларидан иқтибос келтиради Liverpool Echo.
Айни вақтда "Ливерпуль" 29 очко билан АПЛ турнир жадвалида 10-ўринда, "Эвертон" эса 18 очко билан 18-ўринда бормоқда.
