"Челси" ҳужумчиси Пьер-Эмерик Обамеянг асосий таркибдан жой учун курашмоқчи.
Лондон клуби 33 ёшли футболчини мавсум охиригача "Лос-Анжелес"га ижарага қўйиб юборишга тайёр, бироқ габонлик футболчининг ўзи, аввалроқ хабар қилинганидек, МЛСга кетиши мумкинлигидан хурсанд эмас.
Журналист Метт Лоунинг сўзларига кўра, Обамеянг мавсумни “Челси”да якунлаб, асосий таркибдан жой олиш учун курашмоқчи, ёзда эса Европа клубларининг таклифларини кўриб чиқади. Ҳужумчига "Барселона", "Атлетико Мадрид" ва "Милан" клублари қизиқиш билдирмоқда.
Пьер-Эмерик Обамеянг жорий мавсум “Челси” сафида 18 та ўйинда майдонга тушиб, 3 та гол ва 1 та голли узатмага муаллифлик қилган.
