"ПСЖ" ва Бразилия терма жамоаси юлдузи Неймар қўшнилари билан зиддиятга тушиб қолди. Улар жанубий америкалик футболчининг тез-тез шовқинли зиёфат уюштиришидан норози.
Le Parisen нашрининг ёзишича, 31 ёшни нишонлаш пайтида Неймар уйида мусиқа жуда баланд овозда янграган. Бундан ғазабланган қўшнилар полицияга ариза билан мурожаат қилишган. Бразилиялик истиқомат қилувчи Буживал шаҳри мэри футболчи қўшниларини ҳурмат қилмаслигини айтди. У Неймар устидан жамоат тартибини қайта-қайта бузганлиги учун прокурорга шикоят қилмоқчи.
Бразилиялик футболчи Лига 1нинг жорий мавсумида 18 ўйинда 12 та гол урди ва 10 та голли узатмани амалга оширди.
