"Челси" ва Аргентина терма жамоасининг собиқ ҳужумчиси Эрнан Креспо лондонликларнинг янги футболчиси Энцо Фернандес ҳақидаги таассуротлари билан ўртоқлашди.
"Бу - Макелеле ва Лэмпард. У керак бўлса Клод позициясида жуда яхши ўйнай олади ва шу билан бирга жарима майдончаси ташқарисидан яхши зарба йўллайди. Агар сизга ҳужумчи орқасида Эссьен ёки Лэмпард каби кимдир ўйнаш керак бўлса, мана Энцо буни ҳам бажара олади.
Мураббий учун замонавий футболда кўп позицияларда ўйнай оладиган футболчи бўлиши ҳақиқатдан ҳам муҳим. Ярим ҳимоячи сифатида Энцо ҳамма нарсага қодир. У ўз позициядаги тарихдаги энг яхши футболчиларидан бирига айланиши мумкин", - деди Креспо.
