«Интер» ҳимоячиси Дензел Дюмфрис фаолиятини АПЛда давом эттириши мумкин.
La Gazzetta dello Sport хабарига кўра, 26 ёшли голландиялик футболчига «Челси» ва «Манчестер Юнайтед» клублари қизиқиш билдирмоқда.
Дюмфриснинг агенти январь ойидаёқ ушбу клублар вакиллари билан гаплашган эди.
«Интер» Дюмфрис учун таклифларни кутмоқда. Қайд этилишича, агар трансфер суммаси «нерадзуррилар» раҳбариятига мос келса, ушбу харидга гувоҳ бўлишимиз мумкин.
Милан клуби Дюмфрисни 50 миллион евродан камига сотмайди. Агар у сотилган тақдирда «Интер» бу маблағнинг бир қисмини «Бавария»нинг ўнг қанот ҳимоячиси Нуссаир Мазрауини сотиб олишга қайта сармоя киритмоқчи.
