"ПСЖ" марказий ҳимоячиси Маркиньос кетма-кет иккинчи мағлубиятдан сўнг жамоани бирлашишга чақирди.
Кристоф Галтье шогирдлари Франция кубоги доирасидаги “Марсел” билан ўйиндаги муваффақиятсизликдан сўнг (1:2) чемпионатда “Монако”га имкониятни бой берди (1:3). Жамоа 14 февраль куни ЕЧЛ 1/8 финалида "Бавария"га қарши майдонга тушади.
“Биз жуда хафамиз. Олдинда муҳим ўйинлар бор ва биз имкон қадар тезроқ нормал ҳолатга қайтишимиз керак. Биз бирлашиш учун бутун жамоа билан вазиятни муҳокама қилишимиз керак. Кўнглингизни чўктирманг - биз ҳали ҳам Лига 1да пешқадаммиз, Чемпионлар лигасида давом этяпмиз. Ҳозир жамоа қийин аҳволда, аммо биз биргаликда муаммоларни ҳал қиламиз", - дея "ПСЖ" сардори сўзларини келтиради Prime Video.
