"ПСЖ" бош мураббийи Кристоф Галтье жамоасининг навбатдаги омадсизлиги ҳақида фикр билдирди.
8 февраль куни парижликлар Франция кубогида “Марсель”га (1:2) мағлуб бўлган бўлса, бугун чемпионат доирасида “Монако” билан ўйинда омадсизликка дучор бўлди – 1:3.
"Мен жуда ғазабдаман, чунки бугунги ўйинни ёмон бошладик", - дея Галтьедан иқтибос келтирди Prime Video. - Таркибда муаммоларимиз бор, кўпчилик етишмаяпти, аммо бундай таркибга эга бўлган ҳолда буни баҳона сифатида кўрмаслигимиз керак. Биз ҳозирги вазиятда қўлимиздан келганини қиляпмиз”, - деди франциялик мутахассис учрашувдан сўнг.
Сешанба куни "ПСЖ" Чемпионлар лигаси 1/8 финалининг биринчи ўйинида ўз уйида "Бавария"ни қабул қилади.
