Англия Премьер-лигаси йигирма учинчи туридан ўрин олган учрашувда "Арсенал" "Брентфорд"ни мағлуб эта олмади ва очко йўқотди. Лондон клубининг белгиялик ярим ҳимоячиси Леандро Троссард жамоасининг муваффақиятсиз натижаси ҳақида фикр билдирди.
"Гол уриш яхши, албатта, лекин улар ҳисобни тенглаштира олгани уят. Қабул қилиш қийин, чунки биз ҳамма нарсани тўғри қилдик. “Брентфорд” дарвозасига гол уриш осон эмас. Лекин бу ўйин биз учун сабоқ бўлади. Чоршанба куни бу омадсизликни унутишимиз мумкин бўлган яна бир ўйин бўлади", - дея Троссард сўзларини келтиради BBC Sport.
