"Манчестер Юнайтед" бош мураббийи Эрик тен Хаг ҳужумчи Жейдон Санчонинг сафга қайтиши ҳақида гапирди.
"Жейдон жамоадан узоқда эди ва менимча, бу тўғри қарор бўлди. У ўз устида кўп ишлади, энди эса қайтиб келди. Энди у асосий жамоага қайтиши керак. Бу босқичма-босқич содир бўлиши керак, ҳозир Санчо захирадан майдонга тушмоқда, шунинг учун у кейинги қадамларни қўйишига умид қиламан", - дейди мутахассис.
Эслатиб ўтамиз, 2022 йилнинг декабрь ойи ўрталарида "қизил иблислар" бош мураббийи Эрик тен Хаг Санчони асосий таркибдаги машғулотлардан четлаштиришга қарор қилганди.