«Вест Хэм» ярим ҳимоячиси Томаш Соучекнинг жарима майдони ичидаги кечаги ҳаракати кўплаб баҳс-мунозараларга сабаб бўлди.
«Челси»ни қўллаб-қувватлаётганлар, ҳакам пенальти белгилаши кераклигига ишончлари комил. Ҳакамнинг ўзи бошқача қарор қилди ва ўйинни давом эттирди. Натижада ўйин дуранг билан якунланди ва «Челси» бор ғазабини ижтимоий тармоқларга қаратди.
«Челси»нинг твиттердаги аккаунти «Соучек Галлахернинг зарбасидан ажойиб сейв қилди», дея пост қолдирди. Премьер-лига «аристократлар»нинг бу ишини жазолайдими, барчага қизиқ. ФИФА тизимида бу каби ҳолатларга жим қараб кетилмаган.
