«Реал» президенти Флорентино Перес клублар ўртасидаги жаҳон чемпионатидаги ғалаба ҳақида фикр билдирди.
«Клублар ўртасидаги жаҳон чемпионатида ғалаба қозониш учун биринчи навбатда Чемпионлар лигасида ғалаба қозониш керак. Ҳаммага маълумки, «Реал Мадрид» Чемпионлар Лигасида ўз уйидагидек ҳаракат қилади.
Ғолибликни қўлга киритиш ҳар доим қийин, аммо бу ўзига хос туйғу беради, чунки айтганимдек, аввало Чемпионлар лигасида ғалаба қозонишинг керак. Европанинг, кейин эса дунёнинг энг яхшиси бўлиш мен учун катта фахр.
Мен жуда хурсандман. Бу жамоада ажойиб ўйинчилардан ташқари «Реал Мадрид» тарбияланувчилари ҳам бор. Бу эса бизни енгилмас қилади», — деди Перес.
