"Манчестер Юнайтед" бош мураббийи Эрик тен Хаг "Лидс"га қарши (2:0) АПЛ 23-тури доирасидаги жамоанинг ўйинига баҳо берди.
“Рэшфорд Европанинг энг яхши футболчиларидан бири. Бу мутлақо тўғри. Бунга бошиданоқ ишончим комил эди. Мен у билан ишлашдан жуда хурсандман ва ундан кўпроқ нарсани олишим мумкин. Унда катта имкониятлар бор.
Яна бир жамоа эканлигимизни кўрсатдик. Биз Европада тўртта турнирда қатнашадиган ягона жамоамиз. Мен бутун таркибдан фойдаланишингиз керак, ҳамма ўз ҳиссасини қўшади", - дейди мураббий.
"Манчестер Юнайтед" 23 ўйинда 46 очко жамғариб, Англия Премьер-лигаси турнир жадвалида иккинчи ўринга кўтарилиб олди.