Килиан Мбаппе, Лионель Месси ва Марко Верратти "Бавария"га қарши ўйинга тайёр бўлишади.
Le Parisen хабарига кўра, ҳар учала футболчи ҳам сешанба куни Чемпионлар лигаси плей-офф босқичининг биринчи ўйинида иштирок этади.
1 февраль куни "Монпелье"га қарши ўйинда жароҳат олган Килиан Мбаппе якшанба кунги машғулотларнинг бир қисмини умумий гуруҳда ўтказди. Чап сонида ноқулайлик сезаётган Марко Верратти ҳам умумий гуруҳда машғулотларга киришди. Лионель Месси ҳамон якка тартибда шуғулланмоқда, бироқ хабарларга кўра, душанба куни ҳужумчи жамоа билан машғулотларга қайтади.
Шу тариқа, “Бавария”га қарши биринчи ўйинни фақат Ренату Саншеш ва Норди Мукиеле ўтказиб юборади.
