Бир вақтнинг ўзида иккита инглиз клуби янги бош мураббий қидирмоқда - "Саутгемптон" Нейтан Жонс билан шартномани бекор қилди, "Лидс" Жесси Маршни бироз олдинроқ истеъфога чиқарди. Ҳозирда иккала клуб ҳам янги мураббий изламоқда - иккаласи ҳам аргентиналик мутахассис Марсело Гальярдонинг атрофидагилар билан алоқага чиқишган, дея хабар беради Football Insider.
Қизиғи шундаки, Гальярдо ҳеч қачон Европада ишламаган, гарчи у футболчилик фаолияти давомида Францияда ўйнашга муваффақ бўлган. Мураббийлик фаолиятида у аввалига “Насьонал”да ишлаган, кейин эса 2014 йилдан 2022 йилгача Аргентинанинг “Ривер Плейт” клубини бошқарган, клуб билан катта муваффақиятларга эришган ва у билан бирга ўнта совринни қўлга киритган – клубнинг аввалги мураббийларининг ҳеч бири уддасидан чиқмаган.
