Испания чемпионатининг 21-туридан ўрин олган ўйинда "Барселона" Педрининг голи эвазига "Вильярреал"ни мағлуб этди.
Бу Каталония суперклуби учун кетма-кет ўн олтинчи ўйин бўлди. Хави жамоаси барча турнирларда мағлубиятга учрамай келмоқда.
Албатта, бу клуб рекордидан йироқ, лекин бу Хавининг шахсий рекорди. Унинг олдинги натижаси - мағлубиятсиз ўн бешта ўйинга тенг бўлган ва ўтган йилнинг январидан апрелигача бўлган вақт мобайнида қайд этилганди.
Ортда қолган ўн олтита ўйин давомида "Барселона" ўн тўрт марта ғалаба қозонди ва икки марта дуранг ўйнади.
