Ispaniya chempionatining 21-turidan o‘rin olgan o‘yinda "Barselona" Pedrining goli evaziga "Vilyarreal"ni mag‘lub etdi.

Bu Kataloniya superklubi uchun ketma-ket o‘n oltinchi o‘yin bo‘ldi. Xavi jamoasi barcha turnirlarda mag‘lubiyatga uchramay kelmoqda.

Albatta, bu klub rekordidan yiroq, lekin bu Xavining shaxsiy rekordi. Uning oldingi natijasi - mag‘lubiyatsiz o‘n beshta o‘yinga teng bo‘lgan va o‘tgan yilning yanvaridan apreligacha bo‘lgan vaqt mobaynida qayd etilgandi.

Ortda qolgan o‘n oltita o‘yin davomida "Barselona" o‘n to‘rt marta g‘alaba qozondi va ikki marta durang o‘ynadi.