Туриннинг “Ювентус” клуби собиқ футболчиси Марко Тарделли “кекса синьора” ярим ҳимоячиси Поль Погба ҳақида гапирди. Унинг фикрича, франциялик футболчи клуб учун жиддий муаммо.
"Поль узоқ вақтдан бери ўйнамади. У "Ювентус" учун жиддий муаммога айланди. Жамоа ёмон кунларни бошдан кечираётган бир пайтда, Погба чанғи учмоқда. Клуб у билан нимадир қилиши керак. Бунга аралашиш керак, шунчаки футболчини бундай катта маошга ушлаб туролмайди. Мен унинг жамоага бўлган муносабатидан хавотирдаман", - деди Тарделли Tuttomercatoweb билан суҳбатда.
Погба ўтган ёзда "Ювентус"га текинга ўтган эди. У билан 2025/2026 йилги мавсум охиригача мўлжалланган узоқ муддатли шартнома тузилди.
