Мадриднинг “Реал” клуби марказий ҳужумчиси, “Олтин тўп” соҳиби Карим Бензема футбол тарихидаги энг яхши ҳужум ким эканлигини айтди.
"Мен учун тарихдаги энг яхши ҳужумчи ким? Мен учун бу Тьерри Анри. У ҳақиқий афсонадир. Роналду билан ўйнаб улғайган бўлсам-да, менимча, Анри энг зўри", - деди Бензема Telefoot билан суҳбатда.
Эслатиб ўтамиз, Тьерри фаолиятининг асосий қисмини Лондоннинг "Арсенал" жамоасида ўтказган ва у билан икки марта Англия чемпиони бўлган. Франция терма жамоаси таркибида Анри 1998 йилги жаҳон чемпионати ва 2000 йилги Европа чемпиони бўлган.
