Лондоннинг "Челси" клубида ўйнайдиган АҚШ терма жамоаси ярим ҳимоячиси Кристиан Пулишич мавсум охирида жамоасини ўзгартириши мумкин.
Todofichajes нашрининг маълум қилишича, 24 ёшли америкалик футболчининг хизматларига Мадриднинг "Атлетико" клуби қизиқиш билдирмоқда. “Матрасчилар” футболчини ёзги трансфер ойнасида қўлга киритишга ҳаракат қилади.
Кристианнинг "кўклар" билан шартномаси 2024 йилнинг ўрталарига қадар тузилган. Transfermarkt портали унинг нархини 38 миллион еврога баҳоламоқда.
Пулишич жорий мавсум Англия Премьер-лигасида 16 та ўйинда майдонга тушиб, 1 та гол ва 1 та голли узатмага муаллифлик қилган.
