Килиан Мбаппе "ПСЖ"нинг "Бавария"га қарши ўйини олдидан тўлиқ тайёргарлик кўрди.
Якшанба куни ҳужумчи парижликларнинг умумий гуруҳида қисман машғулот ўтказди ва бугун у машғулотларда тўлалигича иштирок этди. Катта эҳтимол билан у "Бавария" билан ўйинда "ПСЖ" таркибида бўлади, деб ёзмоқда L’Équipe нашри.
Аввалроқ, бугун "ПСЖ" умумий гуруҳида Лионель Месси ва Марко Верратти ҳам ишлагани маълум бўлганди.
Мбаппе жароҳати туфайли 1 февралдан бери майдонга тушмаяпти. Ўшанда "ПСЖ" Килианнинг жароҳатидан фориғ бўлиши учун уч ҳафта вақт кетишини маълум қилганди.
Эртага "ПСЖ" ўз майдонида "Бавария" билан Чемпионлар лигаси 1/8 финалининг биринчи ўйинини ўтказади.
