«Ювентус» ярим ҳимоячиси Мухаммад Ихаттарен якшанба куни Амстердамда ҳибсга олинди. Бу ҳақда NOS ўз манбаларига таяниб хабар бермоқда.
Қайд этилишича, Ихаттарен маълум бир можародан кейин ҳибсга олинган. Душанба куни эрталаб футболчининг уйи тинтув қилинди.
Айтиш жоизки, якшанба куни Ихаттарен ўзининг туғилган кунини нишонлади - футболчи 21 ёшга тўлди.
Маълумки, футболчи мунтазам равишда интизомий муаммоларга дуч келган. 2022/2023 йилги мавсумда ярим ҳимоячи бирорта ҳам ўйинда майдонга тушмади. Ихаттарен бир ярим ой олдин «Аякс»да ижарада даврини ўтагач, расман «Ювентус»га қайтган эди.
