Парижликлар яна Месси билан янги шартнома бўйича музокара ўтказишга ҳаракат қилади.

Чемпионлар лигаси 1/8 финали доирасидаги "Бавария" билан қарама-қаршиликнинг илк ўйини 14 феврал куни бўлиб ўтади. Журналист Флорент Торчунинг хабар беришича, ўйин якунланганидан кўп ўтмай, парижликлар клуби амалдаги шартномаси июн ойида якунига етадиган 35 ёшли аргентиналик футболчи билан музокараларга қайтади.

Аргентиналик вакиллар "ПСЖ" раҳбарияти билан шартнома муддати ва молиявий шартларини муҳокама қилади. Футболчининг ўзи Парижда қолишни афзал кўрмоқда.

Лионель Месси ушбу мавсумда "ПСЖ" сафида 25 ўйинда 15 та гол ва 14 та голли узатмани амалга оширди.