Parijliklar yana Messi bilan yangi shartnoma bo‘yicha muzokara o‘tkazishga harakat qiladi.

Chempionlar ligasi 1/8 finali doirasidagi "Bavariya" bilan qarama-qarshilikning ilk o‘yini 14 fevral kuni bo‘lib o‘tadi. Jurnalist Florent Torchuning xabar berishicha, o‘yin yakunlanganidan ko‘p o‘tmay, parijliklar klubi amaldagi shartnomasi iyun oyida yakuniga yetadigan 35 yoshli argentinalik futbolchi bilan muzokaralarga qaytadi.

Argentinalik vakillar "PSJ" rahbariyati bilan shartnoma muddati va moliyaviy shartlarini muhokama qiladi. Futbolchining o‘zi Parijda qolishni afzal ko‘rmoqda.

Lionel Messi ushbu mavsumda "PSJ" safida 25 o‘yinda 15 ta gol va 14 ta golli uzatmani amalga oshirdi.