Мадриднинг "Реал" клуби Душан Влахович ва Ришарлисонга қизиқиш билдирмоқда.
ESPN хабарига кўра, "қаймоқранглилар" ҳужум чизиғини кучайтиришни ёзги трансфер ойнасининг "асосий" мақсади деб билишади. "Ювентус" ҳужумчиси Влахович ва "Тоттенхэм" ҳужумчиси Ришарлисон жароҳат туфайли "Реал Мадрид"нинг жорий мавсумдаги 20та ўйинидан атиги 12тасида майдонга тушган Карим Бенземага ўринбосар сифатида кўрилмоқда.
Айни пайтда 35 ёшли ҳужумчининг ўрнини босадиган ягона футболчи Мариано Диас бўлиб, аввал хабар қилинганидек, у 2023 йилнинг ёзида шартномаси якунланганидан кейин клубни тарк этади.
Шунингдек, Мадриднинг “Реал” клуби бошқа позицияларни, жумладан, Родриго ва Федерико Вальверде билан рақобатлашадиган ўнг қанот ҳужумини ҳам мустаҳкамлаш ниятида экани хабар қилинган. "Бавария" вингери Кингсли Коман бу позицияни мустаҳкамлаш вариантлари орасида кўрилмоқда.
