Қатарлик инвесторлар "Манчестер Юнайтед"ни сотиб олиш таклифи билан чиқишади.
Sky Sports хабарига кўра, Қатарнинг ҳукмрон оиласига алоқадор инвесторлар таклифни 17 февралга қадар расмийлаштиради.
Қайд этилишича, бу сармоядорлар "ПСЖ"нинг қатарлик хўжайинлари ёки парижликлар президенти Носир Ал-Хелайфи билан ҳеч қандай алоқаси йўқ.
Жума кунига қадар яна камида учта йирик таклифлар топширилиши кутилмоқда: Жим Рэтклиффдан (Буюк Британиянинг энг бой одами), шунингдек, Саудия ва Америка инвесторлари.
"Манчестер Юнайтед"нинг ҳозирги хўжайинлари Глейзерлар оиласи клуб учун камида 5 миллиард фунт стерлинг талаб қилмоқда.
