Арсен Венгер топ-клублар рақобати ҳақида фикр билдирди.

Франциялик собиқ футболчининг сўзларига кўра, Англияда чемпионлик учун атиги иккита даъвогар қолган. Бироқ «Арсенал»нинг имкониятлари анча юқори.

«Арсенал чемпионлиги? Ҳа, деб айтган бўлардим. Кўриниб турибдики, яққол даъвогарлар аллақачон мусобақадан чиқиб кетишган.

Ягона хавф - «Манчестер Сити». Аммо улар ўтган йил ёки икки йил олдинги каби доминант эмас. Мавсум бошида мен «шаҳарликлар» ҳимояси аввалгидан кўра заифроқ эканини ҳис қилдим», - деди Венгер.

15 февраль, сешанба куни «Манчестер Сити» ва «Арсенал» ўзаро баҳс олиб боради.