"Манчестер Юнайтед" янги дарвозабон изламоқда. A Bola хабарига кўра, манкунианликлар "Порту"дан португалиялик Диого Коштани таклиф қилмоқчи. У жамоада ҳали янги меҳнат шартномаси келишилмаган испаниялик Давид де Хеа ўрнини эгаллаши мумкин.
Эслатиб ўтамиз, ўтган йилнинг охирида 23 ёшли дарвозабон “Порту” билан шартномасини 2027 йилнинг ўрталарига қадар узайтирганди. Унинг "аждарлар" билан келишувида кўрсатилган банд 75 миллион евро.
2022/2023 йилги мавсумда Кошта клублар миқёсида 26 та ўйинда қатнашиб, ўз дарвозасидан 19 та гол ўтказиб юборган.
