Сўнгги ҳафталар ва ойларда матбуотда Килиан Мбаппе "Реал Мадрид"да бўлишни хоҳлаётгани ҳақида мунтазам миш-мишлар тарқалди. Баъзи маълумотларга кўра, ҳужумчи "ПСЖ"да ўзини алдангандек ҳис қилмоқда, чунки клуб ўтган баҳорда янги шартнома имзолашдан олдин берган барча ваъдаларини бажармаган.

El Nacional хабарига кўра, агар клуб унинг шартини бажарса ва Зинедин Зиданни мураббийлик кўпригига таклиф қилсагина, Килиан Мбаппе "ПСЖ"ни тарк этмайди. Мбаппе Кристоф Галтьенинг ишидан норози ва болаликдаги кумири қўл остида ҳаракат қилмоқчи. Килианнинг фикрича, Зидан бошқарувида "ПСЖ" анча яхши ўйин кўрсатади.